Войти в почту

Уус Алдан улууһун мадьыныларын харчынан бириэмийэлээтилэр

Бүгүн Дьокуускай куоракка Саха Республикатын профсоюһун дьиэтигэр Уус Алдан улууһун бастыҥ мадьыналарын чиэстээтилэр. Россия уонна Европа призера Орлов Артур Петрович — 60 000 солк., Россия уонна Европа призера Гоголев Михаил Сергеевич — 70 000 солк., Россия уонна Европа призера Готовцев Семен Гаврильевич — 95 000 солк., Россия уонна Европа призера Белолюбская Екатерина Прокопьевна — 70 000 солк., аан дойду чемпиона Попов Дмитрий Дмитриевич — 120 000 солк. бириэмийэлэннилэр. 1 из 7 Уус Алдан улууһун үрдүкү кылаастаах тренера Готовцев Иван Степанович 100 000 солк. наҕараадаланна. «Бу биһиги биир дойдулаахтарбытын мас тардыһыытын курдук спорт уустук көрүҥэр кыттан, үрдүк көрдөрүүлэрин бэлиэтиир уонна инники сайдыыларыгар олук уурар тэрээһиммит буолар. Барыта баар балаһыанньаҕа олоҕурар«, — диэн улуус баһылыга Алексей Федотов санаатын эттэ. Мустубут дьон ахсынньы 24-25 күннэригэр буолаары турар Мас тардаһыытын күрэҕэр уус алданнар Республика Кубогын ситиһиилээхтик көмүскүүллэригэр диэн алгыс тылларын, баҕа санааларын эттилэр.

Уус Алдан улууһун мадьыныларын харчынан бириэмийэлээтилэр
© ЯСИА.RU