Премьер-лига
Футбол
Хоккей
Бокс
MMA
Автоспорт
Теннис
Баскетбол
Легкая атлетика

Кыстатыамҥа «Күөгү-2016» күрэхтэһии алтыс төгүлүн ыытылынна

Сылын аайы ыытыллар «Күөгү-2016» балыктааһыҥҥа күрэхтэһии быйыл Улахан Хайа диэн сиргэ бэрт сэргэхтик уонна тэрээһиннээхтик буолла. Манна улахан дьоннуун, оҕолуун 43 киhи күрэхтэстэ. Быйылгы күөн көрсүһүү муус аннынан балыктааһын күрэхтэһиитин төрүттээбит Кыстатыам нэhилиэгин киэн туттар, ытыктыыр киhитэ, хоhуун дьахтара 65 сааhыгар сөп түбэһиннэрэн буолла.

Кыстатыамҥа «Күөгү-2016» күрэхтэһии алтыс төгүлүн ыытылынна
Фото: ЯСИА.RUЯСИА.RU

Үөрүүлээх тэрээһини Анастасия Ивановна аста. Күрэстэһии сүрүн судьуйатынан нэһилиэк дьокутаата үлэлээтэ. Балыксыттар ойбоннорун алларан олорбуттара биэс эрэ мүнүүтэ ааһарын кытта, Мичил Слепцов бастакынан балык хаптаран, «Быстрый улов» анал аат хаһаайынынан буолар чиэскэ тигистэ. Итини сэргэ, «Самый маленький улов» ааты эмиэ кини ылла. Икки аҥар чаас күрэхтэһиигэ Мичил уопсайа алта улахан балыктанна. Сааскылаана Корякина үс көмүс хатырыктааҕы хаптаран, инники күөҥҥэ таҕыста. Күрэстэһиини көтүппэккэ кыттар нэһилиэк ытык кырдьаҕаһа саамай аҕа саастаах кыттааччы аатын ылла. Күрэхтэһии саамай эдэр кыттааччытынан бу да сырыыга Ярик Винокуров ааттанна. «Крупный улов» номинация Константин Ильиновка тигистэ. Түмүккэ муҥутуур кыайыылаах үрдүк аата Мичил Слепцовка иҥэрилиннэ. Киниэхэ көһө сылдьар кубок, грамота, сыаналаах бириис туттарылынна.

Видео дня

Күрэхтэһии кэмигэр оҕолор ырыаҕа, хаҥкынан сүүрүүгэ куоталастылар, көрдөөх оонньууга кытыннылар. Саанан сыал ытыыга улахан дьоҥҥо улуус чемпиона Афанасий Сергеев тэҥнээҕин булбата. Иккиһи , үсүһү Сергей Бакалаев ыллылар. Оҕолорго , Кирилл Дьяконов, Дима Харитонов инникилээтилэр.

Салгыы лотерея–казино оонньонно. Манна киирбит 6750 солкуобайы уу харчытынан Ньургун Ильинов сүүйэн үөрдэ. Сэргэх күрэхтэһиигэ сылдьыбыт нэһилиэк олохтоохторо тэрээһини тэрийбит, өйөөбүт ытык киһилэригэр Анастасия Петроваҕа, олохтоох дьаьалтаҕа, предпринимателлэр Ирина Процюкка, Александр Харитоновка, Сергей Корякиҥҥа, нэһилиэк дьокутааттарыгар Афанасий Сергеевка, Леонид Михайловка махтаннылар. Эһиилги күрэхтэһиигэ элбэх киһи кыттар баҕалааҕын биллэрдэ.