Премьер-лига
Футбол
Хоккей
Бокс
MMA
Автоспорт
Теннис
Баскетбол
Легкая атлетика

Аҕалар уонна дьахталлар сэбиэттэрэ бииргэ үлэлиэхтэрэ

Сунтаарга «Олоҥхо» этнокултуура киинигэр улуус аҕаларын бастакы форума буолла. Форуму улуус дьаһалтатын баһылыга салайда. Манна нэһилиэк баһылыктара актыыптарын илдьэ кэлэн кэпсэтии ураты сэргэхтик барда. Мустубут дьоҥҥо Сунтаар улууһун аҕаларын сэбиэтин салайааччы ааспыт сылларга хайдах үлэлээбиттэрин, туох тэрээһиннэр ыытыллыбыттарын, аҕа уонна уол оҕо оруолун үрдэтиигэ ханнык саҥа саҕалааһыннар киирбиттэрин сырдатта. Салгыы Сунтаар улууһун дьахталларын сэбиэттэрин бэрэссэдээтэлэ инники өттүгэр аҕалар уонна дьахталлар сэбиэттэрэ бииргэ түмсэн үлэлээтэхтэринэ хамсааһын тахсыаҕын, үлэ түмүктээх буолуоҕун эттэ. Сунтаардааҕы полиция отделениетын начаалынньыга эр дьон, ыччаттар, сокуоннай саастарын ситэ илик оҕолор араас быһылааҥҥа түбэһэллэрин, бэрээдэги кэһэллэрин, төһө холуобунай, административнай дьыалалар тэриллибиттэрин, онтон төһөтө суукка барбытын сыыппараларынан бигэргэтэн кэпсээтэ.

Аҕалар уонна дьахталлар сэбиэттэрэ бииргэ үлэлиэхтэрэ
Фото: ЯСИА.RUЯСИА.RU

Тэрээһин кыттыылаахтара салгыы санаа атастаһыытыгар киирдилэр. Ол курдук, аҕалар оруолларын үрдэтиигэ улахан болҕомто ууруллуохтааҕын тоһоҕолоон бэлиэтээтилэр. Дьиэ-кэргэҥҥэ, үлэҕэ-хамнаска, араас тэрээһиннэргэ эр киһи инники күөҥҥэ сырыттаҕына, баһылыыр-көһүлүүр оруолу ылан муоһалаатаҕына, уол оҕо ону көрө улаатан, иитиллэн-уһаарыллан тахсарын, кэлин кини эмиэ оннук сүрүн оруолу ыларыгар тоҕоостоох буолуоҕун эттилэр. Кэпсэтиигэ итирдэр утахтары атыылааһыны бэрээдэктээһин туһунан боппуруос эмиэ таарылынна. Маныаха үгүс киһи ыччаттар арыгылааһыннарын тохтотууга ханна баҕарар күүстээх өйдөтөр үлэ, аһаҕас кэпсэтии барара наадатын ыйдылар. Итинтэн сиэттэрэн ыччаты көхтөөх үлэҕэ тардыыга араас тэрээһиннэри ыытыыга, оскуола оҕолорун үлэҕэ үөрэтиигэ, ыччаттар дьарыктаах буолууларын хааччыйыыга о.д.а. боппуруостарга санаалар этилиннилэр. Көхтөөх кэпсэтиигэ баайга-дуолга сыһыаннаһыы кэмитиэтин салайааччы Семен Саморцев, РФ Саха сиринээҕи Росгвардия дьаһалтатын Ньурба уонна Сунтаар улуустарыгар саа көҥүлүн уонна лицензиятын оҥорор отделение иниспиэктэрэ , өр сылларга улууска аҕалар сэбиэттэрин салайбыт Афанасий Жараев, начаалынньыга Константин Жирков, участковайдар начаалынньыктарын эбээһинэһин толорооччу Степан Кардашевскай, Күүкэй нэһилиэгин баһылыга , уо.д.а. кыттыыны ылбыттара, тус көрүүлэрин тиэрдибиттэрэ түһүлгэҕэ мустубут дьон өйүн-санаатын түмэ тардарыгар улахан көмөлөөх буолла.

Улуустааҕы аҕалар бастакы форумнарын түмүгүнэн 13 киһиттэн састааптаах Сунтаар улууһун аҕаларын сэбиэтэ тэрилиннэ. Сэбиэт чилиэннэрэ бу күннэргэ салайааччыларын таларга, үлэлэрин сүбэлэһэргэ, былаанныырга быһаарыннылар.